TATLONG MILYONG PISO STRUCTURAL DAMAGE SA NASUNOG NA OLD MUNICIPAL BUILDING NG SAN LORENZO RUIZ; HABANG MGA TANGGAPAN NG OMOOKUPA RITO WALA PANG PAGTAYA SA PINSALA NA DINALA SA KANILA NG SUNOG

DAET CAMARINES NORTE (14 August 2017) Inisyal na tatlong milyon piso at inaasahan na tataas pa ang danios o pinsala sa pagkakasunog ng old municipal building ng San Lorenzo Ruiz.
Ito ang sinabi exclusibo sa Radyo ng Bayan Camarines Norte ni SLR-BFP Chief SF02 Oscar Estrellado
Ani ng opisyal nang makausap niya si Engr Chavez ay sinabi nito na umaabot sa 3 million pesos ang structural damage matapos na ito ay masunog.
Habang inaasahan na tataas pa umano ang pinsala dahil may pitong tanggapan ang nag oopisina rito at nagsasagawa na ng assestment sa damage sa kanilang kani kanilang tanggapan.
Dagdag pa ni SF02 Estrellado na nagpaabot din sa kanya ng impormasyon ang ilang opisyal sa LGU na kung saan sinasabi umano na may mga rescue equiptment na nasa stock room ng old building ang nakasama sa natupok ng apoy.
Tinataya umano na ito ay nagkakahalaga ng kalahating milyong piso.
Samantala kaninang umaga abala pa rin ang mga taga BFP sa pag iimbestiga sa sanhi ng sunog at gumagawa na rin sila ng sketch and measurement sa nasunog na gusali. (0922)